پھلوں اور سبزیوں کے تحفظ کا عمل

برداشت  کے بعد پھلوں اور سبز یوں کی  بازارمیں وافر  پیداوار نقصان کا شکار ہوتی ہے  اور اکثر پیداوار میں سے کچھ جانوروں کو کھلایا جاتا ہے یا اسے سڑنے کے لےچھوڑ  دیا جاتا ہے ۔ فوڈ سائنسدان اور فوڈ ٹکنالوجسٹ کی بنیادی ذمہ داریوں میں سے ایک یہ ہے کہ فوڈ کے نقصانات کو کم کرنا اور کھانے پینے کے حصول ، پروسیسنگ ، اسٹوریج اور تیاری کے تمام مراحل کے ذریعے غذائی اجزاء کو محفوظ کرنا ہے۔ پھلوں اور سبزیوں کی پروسیسنگ کا بنیادی مقصد پھلوں اور سبزیوں کی بعداز برداشت زندگی کو طول دیتے ہوئے ان کے رنگ ، ذائقہ ، بناوٹ اور غذائیت کو محفوظ رکھنا ہے اور سال بھر صارفین کو متناسب ، محفوظ ، غذائیت سے بھرپور اور قابل خوراک کھانا فراہم کرنا ہے۔ پھلوں اور سبزیوں کے پروسیسنگ کا مقصد یہ ہے کہ درآمد شدہ مصنوعات جیسے اسکواش ،جام ، ٹماٹر کی چٹنی ، اچار وغیرہ کا استعمال کم کرنا ہے ، اس کے علاوہ تیار شدہ یا نیم پروسیس شدہ مصنوعات برآمد کرکے غیر ملکی زرمبادلہ حاصل کرنا ہے۔ لیکن پھل اور سبزیاں بہت سی دوسری شکلوں میں بھی ذخیرہ کی جاسکتی ہیں ، جیسے ڈبے ، منجمد ، خشک یا رس۔فصل کو محفوظ رکھنے سے آپ آنے والے مہینوں تک پھلوں اور سبزیوں سے لطف اندوز ہوسکتے ہیں۔ پھلوں اور سبزیوں کو محفوظ کرنے کے بہت سارے طریقے ہیں جن میں خشک کرنا ، کیننگ ، اچار بنانا ، خمیر ، منجمد کرنا  وغیرہ ہے۔ 

خدمات حاصل کریں

فوڈ ٹیکنالوجی سیکشن ، پوسٹ ہارویسٹ ریسرچ سنٹر پھلوں اور سبزیوں کی مصنوعات کی ترقی (پروسیسنگ اور تحفظ) سے متعلق عوام کو مشاورتی خدمات / تربیت فراہم کرتا ہے۔

 رابطہ کریں